- आइतबार, १० साउन, २०८३
दाङ, २० साउन–टिपरको ठक्करबाट दाङमा एक जनाको मृत्यु भएको छ ।
टिपरको ठक्करबाट मोटरसाइकलमा चालक घोराही–९ का ३९ वर्षीय कुलबहादुर बस्नेत गम्भीर घाइते भएका थिए । उनको राप्ती स्वास्थ्य विज्ञान प्रतिष्ठानमा
उपचारका क्रममा आइतबार बिहान मृत्यु भएको हो । घटनाको विरोधमा आफन्त र स्थानीयले घोराही–तुलसीपुर सडक अवरूद्ध गरेका छन् ।
उनीहरु सडक बन्द गराएर प्रदर्शनमा उत्रिएका छन् । मृतकका आश्रित परिवारलाई उचित क्षतिपूर्ति र टिपर चालकमाथि कडा कारबाही हुनुपर्ने माग उनीहरुले राखेका छन् । दाङ प्रहरी प्रमुख एसपी रामबहादुर केसीले दुवै पक्षबीच संवाद गरी समस्या समाधानको प्रयास गरिने बताए ।
घोराहीबाट तुलसीपुरतर्फ आउँदै गरेको लु२ख ५०८५ नम्बरको टिप्परले बस्नेत सवार बा५८प ५६०५ नम्बरको मोटरसाइकललाई शुक्रबार राति ८ बजेतिर घोराही– १० अम्राई नजिकै ठक्कर दिएको थियो ।
