- सोमबार, ११ साउन, २०८३
काठमाण्डु, २२ असार– धनगढीमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा चालक कैलारी गाउँपालिका–८ का कृष्ण चौधरी रहेको प्रहरीले जानकारी दिएको छ ।
धनगढी उपमहानगरपालिका–१८ फुलबारीमा हसुलियातर्फ जाँदै गरेको से–३ प–५६९५ नम्बरको मोटरसाइकल नालामा खसेको थियो ।
दुर्घटनामा गम्भीर घाइते भएका चालक चौधरीको शनिबार बिहान उपचारका क्रममा सेती प्रादेशिक अस्पतालमा मृत्यु भएको प्रहरीले जनाएको छ । मोटरसाइकलको पछाडि बसेका २८ वर्षका यादव चौधरी सामान्य घाइते भएको पनि प्रहरीले जानकारी दिएको छ ।
