- मंगलबार, ३० वैशाख, २०८२
काठमाण्डु, १ असार– नेपाल आईसीसी टी–२० विश्वकप २०२४ मा सुपर–८ को दौडबाटै बाहिरिएको । अमेरिका र वेष्टइण्डिजमा जारी टी–२० विश्वकपमा समूह डी मा रहेको नेपाल दक्षिण अफ्रिकासँग १ रनले पराजित भएसँगै सुपर–८ यात्राबाट बाहिरिएको छ ।
नेपाल समूह डी मा ३ खेलमा २ मा हार र १ मा नतिजाविहीन हुँदै १ अंकका साथ चौथो स्थानमा परेको छ । अन्तिम खेल नेपालले आइतबार बंगलादेशसँग खेल्ने भएको छ ।
उक्त खेल जितेपनि ३ अंक मात्रै हुन्छ । सुपर–८ मा पुग्न ३ अंक पर्याप्त हुँदैन । दक्षिण अफ्रिका ४ खेलमा ८ अंकका साथ अपराजित रहँदै सुपर–८ मा पुग्न सफल भएको हो ।
बंगलादेश ३ खेलमा २ मा जित र १ मा हारका साथ ४ अंकका साथ दोस्रो स्थानमा रहेको छ । त्यसैको कारण नेपालको यात्रा समूह चरणबाटै समाप्त हुने भएको छ । दक्षिण अफ्रिकाविरुद्ध नेपाल विजयी भएको खण्डमा ४ अंकका साथ सुपर–८ खेल्ने सम्भावना कायमै रहन्थ्यो ।
११६ रनको विजयी लक्ष्य पछ्याएको नेपालले २० ओभरमा ७ विकेट गुमाउँदै ११४ रन बनाउन सफल भएको थियो । नेपाललाई अन्तिम २ बलमा जित्न २ रन चाहिएको थियो । तीव्र गतिका बलर आटनिल बार्टमानले दुवै बल गुलशन झालाई डट राख्दै नेपाललाई १ रनको हारले स्तब्ध पारे ।
अन्तिम बलमा गुलशनले बल छुन नसके पनि नन स्ट्राइकमा दौडिनेक्रममा ब्याट राख्न थोरै ढिलो भएपछि रन आउट हुन पुगेका थिए । समूह ए बाट भारत ३ खेलमा ६ अंकका साथ शीर्ष र अमेरिका ४ खेलमा ५ अंकका साथ दोस्रो स्थानमा रहँदै सुपर–८ मा पुगेका छन् ।
समूह बी बाट अष्ट्रेलिया ३ खेलमा ६ अंकका साथ सुपर ८ मा पुगेको छ । समूह बी बाट स्कटल्यान्ड र इंल्यान्ड मध्य एक टोली सुपर ८ मा पुग्नेछन् ।
समूह सी बाट वेष्टइण्डिज र अफगानिस्तान सुरुवाती तीन खेलमा जितका साथ सुपर ८ मा पुगेका छन् । समूह डी बाट अव बंगलादेश र नेदरल्यान्ड्स मध्य एक पुग्नेछन् । सुपर ८ मा दुई समूह हुनेछन् । हरेक समूहका शीर्ष दुई टोली सेमिफाइनलमा पुग्ने भएको छ ।
