- शुक्रबार, १५ मंसिर, २०८०
काठमाण्डु, ५ मंसिर– नक्कली नोटसहित दुई महिला पक्राउ परेका छन् ।
पक्राउ पर्नेमा सिन्धुपालचोक जलविरेकी ४९ वर्षीया सिर्जना थापा ओखलढुंगा कुईवीर गाउँपालिका–४ की ४१ वर्षीया मैया कुमारी घिमिरे छन् । उनीहरुलाई सोमबार राति काठमाण्डुबाट पक्राउ गरिएको प्रहरीले जनाएको छ ।
जिल्ला प्रहरी परिसर काठमाण्डुका अनुसार सिर्जनाको साथबाट १ हजार दरका १ सय ४० थान र कुमारीको साथबाट १ हजार दरका २१ थान नक्कली नोट बरामद भएको छ ।
उनीहरुले नक्कली नोट कारोबार गर्ने गरेको सूचनाको आधारमा साँखु र पकपन प्रहरी प्रभागको टोलीले थापालाई शंखरापुर नगरपालिका–७ कोलागाल र घिमिरेलाई बुढानिलकण्ठ–१२ कपन निलोमाईक्रो पार्क नजिकबाट पक्राउ गरिएको काठमाण्डु प्रहरीका एसपी कुमोध ढुंगेलले जानकारी दिए ।
