- मंगलबार, ९ असोज, २०८०
काठमाण्डु, २४ जेठ–काठमाण्डुको टेकुस्थित शुक्रराज ट्रपिकल तथा सरुवा रोग अस्पतालको नर्सिङ क्वार्टरमा एक जना नर्सका श्रीमान् मृत अवस्थामा भेटीएका छन ।
नर्स नर्वदा शर्माका श्रीमान् दधिराम भण्डारी झुण्डिएको अवस्थामा फेला परेको जिल्ला प्रहरी परिसर, काठमाण्डुका एसपी सीताराम रिजालले जानकारी दिएका छन ।
भण्डारी सरस्वती कलेजमा कार्यरत कर्मचारी रहेको उनले बताएका छन । उनले भने, ‘श्रीमतीलाई उहाँले नै अस्पताल पुर्याइदिने गर्नुहुँदोरहेछ, पहिले त्यहींको क्वार्टरमा पनि बस्नु भएको रहेछ’ रिजालले भने, ‘पछिल्लो समय बाहिर डेरा गरिबसिरहनुभएको थियो ।’
घटनास्थलमा प्रहरी सुसाइड नोट वा अरु केही लिखित वस्तु फेला नपारेको प्रहरी वृत्त, कालीमाटीले जानकारी दिएको छ । शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाइएको प्रहरीले बताएको छ ।
