सात दिनभित्र नदी किनारका अनधिकृत बस्ती हटाउन काठमाण्डु महानगरको निर्देशन

काठमाण्डु, ११ चैत– काठमाण्डु महानगरपालिकाले सात दिनभित्र नदी किनार, नदी उकास तथा नदी बहाव क्षेत्रमा बनेका अनधिकृत संरचना हटाउन निर्देशन दिएको छ ।

महानगरले आज शनिबार सूचना जारी गर्दै नदी बहाव, नदी उकास, नदी निकार र नदी करिडोरको सार्वजनिक क्षेत्रमा संरचना निर्माण तथा अनधिकृतरुपमा कब्जा गरी भोगचलन गरिरहेका सबै सरोकारवालालाई संरचना हटाउन निर्देशन गरेको हो ।

महानगरले पटकपटक अवगत गराउँदा पनि नहटेका संरचनालाई प्रचलित कानुनबमोजिम हटाउने र हटाउँदा लाग्ने खर्चसमेत सम्बन्धित पक्षबाट असुल्ने माहानगले सूचनामा उल्लेख गरेको छ ।