- मंगलबार, ३० वैशाख, २०८२
काठमाण्डु,२५ फागुन– काठमाण्डुबाट भैरहवाको लागी उडेको श्री एयरलाइन्सको जहाजको इन्जिनमा आगो लागेको देखिएपछि काठमाण्डु नै फर्काएर सुरक्षित अवतरण गराइएको छ ।
उडान नं.८२१ को जहाजको इन्जिनमा आगो देखिएपछि धादिङको थाक्रेबाट फर्किएको हो । सो जहाज त्रिभुवन विमानस्थलमा केहीबेर अघि सुरक्षित अवतरण गरेको छ ।
सो जहाजमा रहेका चालक दलका सदस्य र यात्रुहरू सबै सकुशल रहेका छन । जहाज क्याप्टेन भरत सिंह थापाले उडाएका थिए ।
विमानस्थल काठमाण्डुबाट उड्नासाथ जहाजको इन्जिनमा आगो देखिएको भनेर चालक दलका सदस्यले टावरलाई जानकारी गराएको स्रोतले बताएको छ ।
त्यसलगत्तै जहाजलाई काठमाण्डु फर्काइएको थियो । यो जहाज अवतरणका लागि अन्य उडान रोकिएको थियो ।
