- शनिबार, १५ वैशाख, २०८१
काठमाण्डु, १० माघ- उपप्रधानमन्त्री एवंम गृहमन्त्री रवि लामिछानेले क्रसर, फरार सांसद र आन्दोलनरत अधिकारकर्मीका विषय एक दुई दिनभित्र सम्बोधन गर्ने बताएका छन् ।
मंगलबार प्रतिनिधिसभाको बैठकमा बोल्दै लामिछानेले यी तीनवटै विषयमा गृह मन्त्रालय संवेदनशील भएर काम गरिरहेको बताएका छन् । क्रसरका विषयमा होस् वा फरार सांसदका विषयमा होस् वा आन्दोलनरत अधिकारकर्मीका विषयमा ।
गृह मन्त्रालय अत्यन्त संवेदनशील भएर काम गरिरहेको छ । तर नतिजा आउन समय लाग्ने भएको छ लामीछानेले भने। राज्यको संयन्त्रलाई चलाइएको छ, गिजोलिएको छ, तिनलाई ट्रयाकमा ल्याउन नसक्दा ढिलो भएको हो, त्यस्ता ठाउँलाई ठीक गरेर केही दिनभित्र निर्णयमा पुग्छौं।
