एमालेसँगको सहकार्य सकियो: उपेन्द्र यादव

काठमाण्डु टुडे २०७९ मंसिर १८ गते १८:२९ मा प्रकाशित

काठमाण्डु,१८ मंसिर–जनता समाजवादी पार्टीका (जसपा)का अध्यक्ष उपेन्द्र  यादवले एमालेसँगको सहकार्य सकिएको बताएका छन् ।

आज (आइतबार) विराटनगर विमानस्थलमा पत्रकारसँग कुरा गर्दै जसपा अध्यक्ष यादवले एमालेसँगको चुनावी सहकार्य सकिएको बताएका हुन् ।

उनले भने ‘हामीले चुनावमा एमालेसँग केही क्षेत्रमा तालमेल गरेका थियौं, चुनावसँगै सहकार्यको कोर्स सकिएको छ ।’ यादवले सरकार गठनमा कसलाई समर्थन गर्ने वा नगर्ने विषयमा निर्णयमा पुगिनसकेको बताए ।

पार्टीले सरकारमा सहभागिताका सन्दर्भमा देशैभरि एउटै नीति लिने पनि यादवले बताए ।

Copyright © 2016 kathmandutoday.com Department of Information Reg No:460/074/75 About Us