योगेश भट्टराईले भने– राष्ट्रपतिले केपी ओली सरकारलाई मेरो भन्नुभएको हो, उहाँको सरकार होइन

काठमाण्डु, २१ वैशाख– नेपाल कम्युनिस्ट पार्टी नेकपाका सांसद तथा नेता योगेश भट्टराईले सरकारको नीति तथा कार्यक्रममा राष्ट्रपतिले ‘मेरो सरकार’ भन्नुको अर्थ सार्वभौम नेपालीको अभिव्यक्ति भएको बताएका छन् ।

उनले राष्ट्रपतिले प्रस्तुत गरेको नीति तथा कार्यक्रम राष्ट्रपति संस्थाको नभई सार्वभभौम नेपालीको भएको बताउँदै यस्तो बताएका हुन् ।
सरकारको नीति तथा कार्यक्रम प्रस्तुत गर्ने क्रममा राष्ट्रपति विद्यादेवी भण्डारीले पटक–पटक ‘मेरो सरकार’ भनेर सम्बोधन गरेकी थिइन् । सोही विषयलाइ लिएर चर्चा भइरहँदा भट्टराईले राष्ट्रपतिले बोलेको बारेमा गलत अर्थ नलगाउन बताएका हुन् ।
उनले भने, ‘सरकारको नेतृत्व प्रधानमन्त्रीले गर्नुहुन्छ । प्रधानमन्त्रीको सरकार भन्ने अर्थ हो । शब्दको पछाडि लागेर राष्ट्रपतिजस्तो सम्माननीय संस्थालाई अनावश्यक विवादमा ल्याउनुहुन्न । शाब्दिक कुरामा अल्झिएर नीति तथा कार्यक्रमलाई ओझेलमा पार्नुहुन्न ।’ नयाँ पत्रिकाबाट