- बुधबार, १७ असोज, २०८०
काठमाण्डु, २ वैशाख – लुक्लाको तेन्जिङ हिलारी विमानस्थलमा समिट एयरको जहाज चिप्लिएर मनाङ एयरको हेलिकप्टरसँग ठोक्किएर भएको दुर्घटनाको छानबिन गर्न सरकारले समिति गठन गरेको छ ।
नेपाल नागरिक उड्डयन प्राधिकरणका पूर्वमहानिर्देशक राजेशराज दलीको संयोजकत्वमा संस्कृति, पर्यटन तथा नागरिक उड्डयन मन्त्रालयले छानबिन समिति बनाएको हो ।
समितिमा नेपाल वायुसेवा निगमका इञ्जिनियर राजेश श्रेष्ठ र सीता एयरका पाइलट रवीन्द्र डंगोल सदस्य छन् भने सदस्य सचिव मन्त्रालयका सहसचिव बुद्धिसागर लामिछाने रहेको मन्त्रालयका प्रवक्ता घनश्याम उपाध्यायले जानकारी दिए ।
आइतबार लुक्लामा भएको जहाज दुर्घटनामा नेपाल प्रहरीका दुई जना असई र कोपाइलटको निधन भएको थियो ।
