- सोमबार, २९ वैशाख, २०८२
भीमदत्तनगर, २९ मंसिर– अनाथ बालबालिकाका लागि सहयोग जुटाउन तीन युवा दौडेर मेचीबाट महाकाली पुगेका छन् । उनीहरुले १९ दिनपछि पश्चिमी सिमानामा पुगेर आफ्नो यात्रा समापन गरेका छन् ।
अनाथ बालबालिकालाई संरक्षण दिइरहेको सानो प्रयास संस्थाका लागि सहयोग जुटाउने उद्देश्यले काठमाण्डु महानगरपालिका–१३ छाउनीका राज प्रधान, भरतपुर नगरपालिका–५ नारायणघाटका सुदीप पौडेल र बस्तीपुर–२ सिन्धुलीका उपेन्द्र सुनुवार मेचीबाट दौडेर महाकाली पुगेका हुन् ।
उनीहरुले दैनिक आठदेखि १० घण्टासम्म दौड्ने गरेको र दौडेरै मेचीदेखि महाकालीसम्म एक हजार २८ किलोमिटर पार गरेका छन् ।
