- आइतबार, २७ असोज, २०८१
काठमाण्डु, २७ मंसिर– एकीकृत माओवादी नेता गोपाल किरातीले २ सय ५१ सदस्यीय किरात फोर्स घोषणा गरेका छन् ।
शनिबार राजधानीमा आयोजित एक कार्यक्रममा किरातीले पहिचानसहितको संघीय संविधानका लागि भन्दै उक्त फोर्स घोषणा गरेका हुन् ।
फोर्सको संयोजकमा एमाओवादी पोलिट्ब्युरो सदस्य सुरेश राई तोकिएका छन् ।
कार्यक्रममा नेता किरातीले बन्दुकले सिंहदरबार कब्जा गर्ने रामप्रसाद राईको फोटो भित्तामा टाँगेर बसेको भरमा किरात राज्य नपाइने भन्दै आन्दोलनमा उत्रन किरात समुदायलाई अपिल गरे ।
उनले पहिचानसहितको संघीयता कुनै जाति वा समुदायको विरोधका लागि नभएको उनको भनाइ थियो ।
उनले पहिचानसहितको संघीयताको विरोधमा उभिने सभासदको तीन पुस्ते उतार्ने काम भइरहेको बताए । उनले आफू किरात राज्य प्राप्तिको आन्दोलनमा सहिद हुन तयार रहेको बताए ।
