- बिहीबार, ६ चैत, २०८१
धादिङ, २२ मंसिर– राजमार्गमा बढ्दै गएको सवारी दुर्घटनामा कम गर्न ट्राफिक प्रहरीले सवारी साधनको गति जाँच गरी अत्यधिक गतिमा सवारी हाँक्नेलाई कारबाही थालेको छ ।
सवारी साधनको गतिमा न्यूनीकरण गर्न सवारीको गति मापन गर्ने यन्त्र (स्पिड मिटर) राडार गन प्रयोगमा ल्याइएको छ ।
गजुरीको चालिसेमा बसेका ट्राफिक प्रहरीले राजमार्गमा गुडेका सवारीको राडारको सहायताले गति मापन गर्न थालेको जिल्ला ट्राफिक प्रहरी कार्यालय गजुरीले जनाएको छ ।
सडकको तोकेबमोजिम सो सडकमा सवारीमा गति बढी भएमा किलोमिटर देखाउँदै राडार कराउन थाल्छ ।
गति बढी भएका सवारीलाई स्थलगत रुपमै जरिवाना गराएर आइन्दा तीव्र गतिमा सवारी नहाँक्नु भन्दै सम्झाएर पठाउने गरिएको जिल्ला ट्राफिक प्रहरी कार्यालयका प्रहरी निरीक्षक नवीनराजा बुढाथोकीले बताए ।
अभियानको पहिलो दिन आइतबार डेढ दर्जन सवारी कारबाहीमा परेको कार्यालयले जनाएको छ । आइतबारदेखि सुरु भएको सो अभियान दुई सातासम्म चल्नेछ ।
सवारी दुर्घटना नियन्त्रणकै निम्ति जिल्ला ट्राफिक प्रहरी कार्यालय मापसे जाँच पनि तीव्र पारेको छ ।
