- आइतबार, ८ असार, २०८२
सुर्खेत, २१ मंसिर– सुर्खेतको पोखरीकाँडामा भएको बस दुर्घटनामा परी मृत्यु हुनेको संख्या १८ पुगेको छ ।
कालिकोटबाट कैलालीको टीकापुरतर्फ जाँदै गरेको ना२ख ६८५७ बस आइतबार दुर्घटना भएको थियो । क्षमताभन्दा बढी यात्रु बोकेका कारण बस दुर्घटना भएको बताइएको छ ।
मृतक सबैको शव अहिलेसम्म घटनास्थलमै रहेको जिल्ला प्रहरी कार्यलय कालिकोटका प्रहरी निरीक्षक कर्णबहादुर थापाले जानकारी दिए । उनका अनुसार बसमा ६७ जना यात्रु सवार थिए । दुर्घटनामा परी मृत्यु हुनेमा बसका चालक सुर्खेत छिन्चुका २४ वर्षीय मीनबहादुर बुढा, बाजुरा गोत्रिका ५० वर्षीय मुनराज विष्ट र सोही पंके सार्कीको सनाखत भएको छ भने अरुको सनाखत हुन बाँकी रहेको प्रहरीले जनाएको छ ।
दुर्घटनामा परी घाइते भएका ४९ जनाको सुर्खेत, नेपालगञ्ज र कोहलपुरमा उपचार भइरहेको छ ।
