- बुधबार, १८ असार, २०८२
विराटनगर, २० मंसिर– मोरङको मधुमल्लाबाट स्थानीय नुनसरी खोलामा पिकनिक गएका एक व्यक्तिको आज फोटो खिचाउने क्रममा खोलाको डिलबाट खसेर मृत्यु भएको छ ।
मोरङको टाँडी गाविस–६ र इलाम जिल्लाको साक्फारा गाविस–२ को सिमानामा पर्ने नुनसरी खोलाको डिलबाट लडेर मधुमल्ला–२ का गोपीकृष्ण ढुङ्गेलको मृत्यु भएको हो ।
साथीहरूसँग फोटो लिनेक्रममा अचानक खोलाको डिलबाट खसेर गम्भीर घाइते भएका उनलाई न्युरो अस्पताल विराटनगर ल्याउदै गर्दा बाटोमै मृत्यु भएको क्षेत्रीय प्रहरी कार्यालय विराटनगरले जनाएको छ । रासस
