- सोमबार, १० चैत, २०८१
हेटौंडा, १६ मसिर– काठमाण्डुबाट उदयपुरतर्फ गइरहेको ना४ख ३८९१ नं को रात्रिबसले हेटौंडा–नारायणघाट सडकखण्डको ज्यामिरेमा सोमबार राति १२ बजे एक पैदलयात्रुलाई ठक्कर दिँदा उनको मृत्यु भएको छ ।
मृत्यु हुने मकवानपुर मनहरि गाविस–७ बस्ने २९ वर्षीय सन्देश घिमिरे रहेको जिल्ला प्रहरी कार्यालयले जनाएको छ ।
गम्भीर घाइते भई उपचारका लागि भरतपुर लैजाँदै गर्दा बाटोमा नै उनको मृत्यु भएको हो ।
ठक्कर दिने बस र त्यसका चालक गोपी पुनमगरलाई अनुसन्धानका लागि प्रहरीले हिरासतमा लिएको छ ।
