- बुधबार, १७ असार, २०८३
काठमाण्डु, २९ कात्तिक – गत महिना उपचारका लागि अमेरिका गएका एमाले वरिष्ठ नेता झलनाथ खनाल स्वस्थ भई आज स्वदेश फर्केका छन् ।
त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै उनले आफूले नयाँ जीवन प्राप्त गरेर आएको र बाँकी जीवन मुलुकको दिगो शान्ति र नयाँ संविधान निर्माण कार्यमा समर्पित गर्ने बताए ।
उनले तोकिएको समयमा संविधान जारी गर्ने विषयमा सबै दलहरु लचिलो हुनुपर्नेमा पनि जोड दिए ।
नेता खनाल अमेरिकाको म्यारिल्याण्ड राज्यको बाल्टिमोरस्थित जोन हप्किन्स अस्पतालमा पिसाब नलीमा देखिएको समस्याको उपचारपछि स्वस्थ भई फर्केका हुन् ।
उनी गत असोज १० गते अमेरिका गएका थिए । रासस
