- शनिबार, १५ वैशाख, २०८१
म्याग्दी, ११ कात्तिक– नेपाली काँग्रेस म्याग्दीले पार्टीको भवन निर्माण गर्न आर्थिक स्रोत जुटाउने उद्देश्यले तिहारमा आयोजना गरेको देउसीभैलोबाट २७ लाख ५० हजार 
सङ्कलन गरेको छ ।
काग तिहारको दिनदेखि सदरमुकाम बेनीबाट सुरु भएको देउसीभैलो पश्चिम म्याग्दीको दरवाङ, बाबियाचौर, सिङ्गातातोपानी, पर्वतबेनीलगायतका स्थानमा खेलिएको काँग्रेस म्याग्दीका सचिव माधवप्रसाद रेग्मीले जानकारी दिए ।
सदरमुकाम बेनीको सङ्गमचोकमा गत साल करिब ८० लाखको लागतमा घडेरी खरिद गरिएको र सोही ठाउँमा यो वर्ष भवन निर्माण गर्न आर्थिक स्रोत संकलन गर्न पार्टीले देउसीभैलो आयोजना गरेको रेग्मीले बताए ।
पार्टी कार्यालय निर्माणका लागि देश–विदेशमा रहेका विभिन्न व्यक्तिले आर्थिक सहयोग गरिरहेका र तिहारमा खेलिएको देउसीभैलोबाट थप सहयोग प्राप्त भएको काँग्रेस म्याग्दीका कोषाध्यक्ष टंक हमालले बताए । रासस
