काठमाण्डु, ७ कात्तिक- काँग्रेस वरिष्ठ नेता शेरबहादुर देउवाले गोकर्ण बैठकले प्रमुख दलहरुबीच आइसब्रेक भएको बताएका छन ।
रिपोर्टर्स क्लबले आयोजना गरेको दबाबमुलक देउसी भैलो कार्यक्रममा उनले सहमतिमै माघ ८ गते भित्र संविधान जारी हुने विश्वास व्यक्त गरे ।
देउवाले संविधानसभामा कसैको पनि दुई तिहाई बहुमत नभएकाले सहमतिको विकल्प नभएको बताए । उनले सबै सहमतिका लागि लचिलो हुनुपर्ने आवश्यकता औल्याए ।
संविधान निर्माणका लागि अझै पुससम्मको समय बाँकी रहेकाले दलहरुबीच सहमति हुने उनको विश्वास थियो ।