- शनिबार, १५ वैशाख, २०८१
काठमाण्डु, २३ असोज- सरकारले एआईजीमा बढुवा नगरेपछि बुधबारबाट अवकाश पाएका नेपाल प्रहरीका चार डीआईजी फेरि सर्वोच्च अदालत गएका छन् ।
सर्वोच्चको परमादेशविपरीत आफूहरुलाई एआईजीमा बढुवा नगरेको भन्दै उनीहरुले बिहीबार अदालत गुहारेका हुन् । रिटमा सरकारले दालतको अपहेलना गरेको दाबी गरिएको छ । रिटमा मन्त्रिपरिषद्, प्रधामन्त्री सुशील कोइराला, गृहमन्त्री बामदेव गौतम, गृहसचिव र प्रहरी महानिरीक्षकलाई विपक्षी बनाइएको छ ।
अदालतको अपहेलना गर्नेलाई एक वर्ष कैद र १० हजार जरिवाना गर्न रिटमा माग गरिएको छ । सरकारले गत ९ भदौमा ९ डिआईजीलाई एआईजीमा बढुवा गरेको थियो ।
वरिष्ठता मिचेर बढुवा गरिएको भन्दै बढुवामा नपरेका डिआईजीहरु यादव अधिकारी, परशुराम खत्री, सुशीलवरसिंह थापा र विश्वराज शाही अदालत गएका थिए । सर्वोच्चले ८ असोजमा चारै डिआईजीलाई एआईजीमा बढुवा गर्न सरकारका नाममा परमादेश दिएको थियो ।
