- सोमबार, १५ असार, २०८३
काठमाण्डु, २३ असोज- विश्व हुलाक दिवस आज नेपालमा पनि विविध कार्यक्रम गरेर मनाइंदै छ ।
एक समय लोकप्रिय रहेको भए पनि सूचना प्रविधिको विकाससँगै हुलाक सेवा लिनेको संख्या उल्लेख्य मात्रामा घटेको छ । यद्यपि, सरकारी कामकाजका लागि भने अझै हुलाक सेवाको प्रयोग हुँदै आएको छ ।
सन् १८७४ अक्टुबर ९ तारिखमा विश्व हुलाक संघ स्थापना भएको दिनको सम्झनामा हरेक वर्ष हुलाक दिवस मनाउने गरिएको छ । नेपालले भने सन् १९७६ मा विश्व हुलाक संघको सदस्यता पाएपछि मात्र हुलाक दिवस मनाउन थालेको हो ।
यसैबीच, दिवसका अवसरमा शुभकामना सन्देश दिंदै सूचना तथा सञ्चारमन्त्री मिनेन्द्र रिजालले हुलाक सेवालाई छिटो, स्तरीय, भरपर्दो र विश्वसनीय सेवा प्रदान गरी सेवाग्राहीलाई सन्तुष्ट बनाउने विश्वास व्यक्त गरेका छन् ।
हुलाक सेवा विभागले पनि हुलाकसँग आवद्ध सबैमा उत्साह र हौसला बढोस् भन्ने शुभकामना व्यक्त गरेको छ ।
