- सोमबार, १५ असार, २०८३
म्याग्दी, २० असोज- असल चालचलन भएका र आधा कैद भुक्तान गरिसकेका म्याग्दी कारागारका दुई कैदीबन्दीको बाँकी कैद मिनाहा गरिएको छ ।
कारागार व्यवस्थापन विभागको निर्देशनअनुसार दसैँको अवसरमा उनीहरूलाई आइतबार कैद मिनाहा गर्दै मुक्त गरिएको हो ।
कुटपिट तथा अङ्गभङ्गसम्बन्धी मुद्दामा कैद सजाय भोगिरहेका ज्यामरुककोटका डिलबहादुर सार्की र ज्यान मार्ने उद्योगमा सजाय भोगिरहेका राखु पिप्ले–७ का यामबहादुर भण्डारीको बाँकी कैद मिनाहा गरी कारागारबाट मुक्त गरिएको जेलर खगराज शर्माले जानकारी दिए ।
