विराटनगर, १९ असोज- सूचना तथा सञ्चार मन्त्री मीनेन्द्र रिजालले असोज २२ गतेदेखि अवरुद्ध संसद् सुचारु हुने बताएका छन् ।
विराटनगर विमानस्थलमा आइतबार सञ्चारकर्मीसँग कुरा गर्दै रिजालले प्रधानमन्त्री सुशील कोइरालाले संविधान निर्माण कार्यलाई प्राथमिकता दिई एमाओवादीसहित विभिन्न दलका मागलाई असोज २१ गतेभित्र सम्बोधन गर्ने जानकारी दिए । संविधान निर्माणका बाँकी कार्य पूरा गर्न ेराजनीतिक समितिको संयोजक पालैपालो बनाउनुपर्ने उनको भनाइ थियो ।
सबै दलहरूलाई साथ लिई संविधान निर्माणमा सहमति कायम गर्न पनि संयोजक पद पालैपालो बनाउनुपर्नेमा उनले जोड दिए ।
सञ्चारकर्मीको एक जिज्ञाशाको जवाफमा उनले नेपाली काँग्रेस सङ्घीयताको सम्बन्धमा सात प्रदेश बनाउनुपर्नेमा अडिग रहेको बताए ।