काठमाण्डु, १३ असोज– प्रहरीले काठमाण्डुको चाबहिलबाट ६ जना जुवाडेलाई सोमबार पक्राउ गरेको छ ।
महानगरीय प्रहरी अपराध महाशाखाको विशेष टोलीले चाबहिलस्थित पशुपति क्याम्पस नजिकैबाट उनीहरुलाई पक्रेको हो ।
महाशाखाका अनुसार पक्राउ परेका जुवाडेहरुका साथबाट दुई लाख नगद, तीन लाख बराबरका विभिन्न बैंकका चेक र जुवा खेल्न प्रयोग गरिने १३ वटा सिक्का बरामद भएको छ । त्यसबारे विस्तृत विवरण आउन बाँकी छ ।
चाडपर्व नजिकिएसँगै प्रहरीले राजधानीमा जुवातास विरुद्धको अभियान तीव्र पारेको छ ।