काठमाण्डु, २० साउन– सरकारी, गैरसरकारी तथा कुटनीतिक निकायले सैनिक हेलिकप्टर प्रयोग गरेबापत विगत ३ दशकदेखि भाडा तिरेका छैनन् ।
भीभीआइपी तथा अन्य उडान सेवा लिबापत सेनाले प्रधानमन्त्री कार्यालय, मन्त्रालय, राजनीतिक दल, तत्कालिन राष्ट्रिय पञ्चायत सचिवालय, कुटनीतिक नियोग र गैरसरकारी संस्थाबाट ६ करोड ६१ लाख रुपैयाँ बक्यौता उठाउन बाँकी छ ।
बक्यौता असुल गर्न सेनाले बारम्बार सम्बन्धित निकायलाई ताकेता गरेपनि अहिलेसम्म नतिरेको सैनिक प्रवक्ता सहायकरथी जगदीशचन्द्र पोखरेलले बताए । उनका अनुसार ३५ वर्षअघि देखिको रकम उठेको छैन् । बक्यौता नउठेको कारण महालेखापरीक्षकको कार्यालयले उक्त रकमलाई वर्सेनी बेरुजु देखाउँदै आएको छ ।
काराेबार दैनिकबाट