- शुक्रबार, १३ असार, २०८२
मुम्बई, २० असार – भारतको पूर्वी राज्य बिहारमा शुक्रबार सशस्त्र माओवादीले दुई जना प्रहरीको हत्या गरेको समाचार छ ।
प्राप्त समाचारअनुसार भारतीय माओवादीले शुक्रबार बिहान ती प्रहरीको हत्या गरेका हुन् । हत्या भएका एकजनामा भारतीय सुरक्षा निकाय सिआरपिएफका कमान्डेन्ट रहेका छन् ।
भारतीय पूर्वी राज्य बिहारको जामुई जिल्लामा भारतीय माओवादीका सशस्त्र विद्रोहीले ती प्रहरीको हत्या गरेका हुन् । सुरक्षा गस्तीमा खटेको प्रहरीलाई लक्ष्यगरी माओवादीहरुले हमला गरेका थिए ।
सो क्रममा केहीबेर प्रहरी र माओवादी लडाकूबीचमा दोहोरो भिडन्त पनि भएको बताइएको छ । भिडन्तपछि केही माओवादी पनि घाइते भएका बताइएको छ ।
हालेका दिनमा भारतीय राज्य झारखण्ड र बिहारमा माओवादी क्रियाकलाप बढ्दै गएको छ । उनीहरुले प्रायः प्रहरीमाथि हमलाको शृङ्खला नै सुरु गरेका बताइएको छ । सिन्ह्वा
