- बिहीबार, १३ वैशाख, २०८१
काठमाण्डु, ६ असार– एमाले महाधिवेशन मिति नजिकिँदै गर्दा अमेरिकी र भारतीय राजदूतले वरिष्ठ नेता माधव कुमार नेपाललाई भेटेका छन् ।
नेपालका लागि अमेरिकी राजदूत विलियम पिटर बोडी र भारतीय राजदूत रञ्जित रेले कोटेश्वरस्थित निवासमै पुगेर महाधिवेशनमा अध्यक्षका प्रत्यासी रहेका नेपाललाई शुक्रबार भेटेका हुन् ।
छुट्टाछुट्टै भेटमा दुवै राजदूतले एमालेको आसन्न नवौं राष्ट्रिय महाधिवेशनका विषयमा चासो राखेको एमालेको नवौं महाधिवेशनका विषयमा चासो राखेको नेपालका स्वकीय सचिव मोहन गौतमले जानकारी दिए । जवाफमा नेपालले महाधिवेशनको पूर्वसन्ध्यामा पार्टीभित्र नीति, नेतृत्व र वैचारिकबारे बहस भइरहेको बताएका थिए ।
यस्तै भेटमा पछिल्लो राजनीतिक अवस्था, नेपालको विकासमा ती देशले गरिरहेको र आगामी दिनमा गर्ने सहयोग लगायतका विषयमा समेत कुराकानी भएको गौतमले बताए ।
