काठमाण्डु, २० जेठ– अख्तियार दुरूपयोग अनुसन्धान आयोगले घुस लिँदै गर्दा रंगे हात पक्राउ परेका इन्जिनियर शालिकराम देवकोटाविरुद्ध विशेष अदालतमा भ्रष्टाचारको मुद्दा दायर गरेको छ ।
देवकोटा काठमाडौंका जिल्ला प्राविधिक कार्यालयका इन्जिनियर हुन् ।, त्यस्तै काठमाडौंका नायव सुब्बा रुकु खत्री र मतियार काभ्रेका रेशमबहादुर तामाङविरुद्ध पनि मुद्दा दायर गरेको छ ।
ब्रदर्स निर्माण सेवा कम्पनीलाई ‘घ’ वर्गको निर्माण इजाजतपत्र दिने क्रममा इन्जिनियर देवकोटाले एक लाख घूस लिएको खुलेको छ ।
देवकोटालार्इ अख्तियारको टोलीले रंगेहात पक्राउ गरी हिरासतमा राखेको थियो ।
उनलार्इ भ्रष्टाचार निवारण ऐन, ऐनको दफा ३ को उपदफा १ तथा ३ को खण्ड ग बमोजिम सजाय हुन माग गरिएको अख्तियारले जानकारी गराएको छ ।
अख्तियारले नायव सुब्बा खत्रीलाई ऐनको दफा ३ को उपदफा १ तथा दफा ३ को खण्ड क बमोजिम र मतियार तामाङलाई भ्रष्टाचार निवारण ऐनको दफा २२ बमोजिम हदैसम्मको सजायको मागदाबी गरेको छ ।