- आइतबार, ८ असार, २०८२
काठमाण्डु, २० वैशाख– प्रधानमन्त्री सुशील कोइरालाले पत्रकारहरुलाई ध्रुवीकरणमा नलाग्न आग्रह गरेका छन् ।
नेपाल पत्रकार महासंघको २४ औं महाधिवेशनको राजधानीमा शनिबार उदघाटन गर्दै उनले पत्रकारहरुबीचको धु्रवीकरणको संकेत राम्रो नभएको बताए । शान्तिप्रक्रिया र संविधान निर्माणमा दलहरु एकजुट भएजस्तै पत्रकारहरु मिल्नुपर्ने भनाइ कोइरालाको थियो ।
पत्रकारहरु एक जुट भएर अघि बढे दलहरुलाई समेत दबाब पुग्ने कोइरालाले बताए । कोइरालाले एक वर्षभित्र संविधान निर्माण भई मुलुक आर्थिक विकास र समृद्धिको बाटोमा अघि बढ्ने भन्दै सबै पत्रकारले आगामी ८–१० वर्षमा पत्रकारितामा लागेकाहरुले कार चढेर हिंड्ने दिन आउने दाबी गरे ।
कोइरालाले आफ्नो नेतृत्वको सरकारले काम गर्न नसकेको भन्ने आरोपको खण्डन गर्दै पत्रकारलाई सत्य सूचना सम्प्रेषण गर्न भने ।
