- मंगलबार, १७ असार, २०८२
काठमाण्डु, १६ वैशाख – एमाले संसदीय दलका नेता केपी शर्मा ओलीलाई कार्यकर्तासँग भेटघाट गर्न निषेध गरिएको छ ।
निरन्तरको भेटघाटले आराम हुन नसकेको भन्दै चिकित्सकले ओलीलाई कार्यकर्तासँग भेट गर्न निषेध गरेका हुन् ।
ओलीलाई पार्टीका शीर्ष नेता र घर परिवारका सदस्य वाहेक अरुलाई भेट गर्न निषेध गरिएको अस्पतालले जनाएको छ । ओलीको स्वास्थ्यमा क्रमिक सुधार देखिएको छ । उनको रगत, पिसाब र मिर्गौलासम्बन्धी परीक्षण भइरहेको छ ।
ओलीको स्वास्थ्य स्थिति बुझ्न गएराति प्रधानमन्त्री सुशील कोइराला, उपप्रधान तथा स्थानीय विकासमन्त्री प्रकाशमान सिंह, अध्यक्ष झलनाथ खनाल, वरिष्ठ नेता माधवकुमार नेपाल गायतका नेता अस्पताल पुगेका थिए ।
ओलीलाई मेनेन्जाइटिस भएको आशंकामा उपचार सुरु गरिएको छ । भारतमा उपचार गराएर १३ दिन अघि नेपाल फर्केका ओली केही दिन राजनीतिक दौडधुपमा सक्रिय भएपनि चार दिन अघिवाट कार्यकर्तासँगको भेटघाट बन्द गरेर बसेका थिए ।
