- सोमबार, २९ वैशाख, २०८२
बाबियाचौर (म्याग्दी), १२ वैशाख । म्याग्दीको घारमा भएको ट्याक्टर दुर्घटनामा एक जनाको मृत्यु भएको छ भने तीन जना घाइते भएका छन् ।
पोखरेबगरदेखि घार जाँदै गरेको ग१त २५२९ नम्बरको ट्याक्टर घार– ९ कुरमुनीमा दुर्घटना हुँदा घार– ३ खिवाङकी ५३ वर्षीया चनमती गर्बुजाको घटनास्थलमै मृत्यु भएको जिल्ला प्रहरी कार्यालय म्याग्दीले जनाएको छ ।
प्रहरीका अनुसार घाइते घार– ५ की ३९ वर्षीया देवी नेपालीलाई उपचारका लागि पोखरा सिफारिस गरिएको छ । घाइते चालक जामुना– ७ तनहुँका २२ वर्षीय रवि कुमाल र घार– ३ का १९ वर्षीय सुजन परियारको जिल्ला अस्पताल बेनीमा उपचार भइरहेको छ ।
दुर्घटनाबारे अनुसन्धान सुरु गरिएको प्रहरीले जनाएको छ ।
