- मंगलबार, ३० वैशाख, २०८२
काठमाण्डु, ११ वैशाख – नेकपा–माओवादीका अध्यक्ष मोहन वैद्यले काठमाडौँ क्रान्ति र प्रतिक्रान्ति दुवैको केन्द्रविन्दु भएको बताएका छन् ।
नेकपा–माओवादी दसाैँ काठमाण्डु जिल्ला सम्मेलनलाई आज सम्बोधन गर्दै अध्यक्ष वैद्यले नयाँ जनवादी क्रान्तिको केन्द्र काठमाडौँलाई बनाउने गरी सङ्गठन मजबूत बनाउन कार्यकर्तालाई निर्देशन दिए ।
उनले आगामी असारमा हुने माओवादीको राष्ट्रिय सम्मेलनले क्रान्तिको ठोस खाका ल्याउने बताउँदै त्यसका लागि संयुक्त मोर्चा बनाउने प्रयासमा पार्टी लागेको जानकारी दिए ।
दलहरूबीच नयाँ आधारमा नयाँ एकताको खाँचो रहेको र सर्वपक्षीय सम्मेलनबाट मात्र सहमति खोज्नुपर्ने उनको भनाइ थियो ।
एमाओवादीसँगको एकता प्रक्रियाबारे चर्चा गर्दै उनले यो विषयमा कामभन्दा बढी हल्ला भएको बताए ।
