- शनिबार, ३० जेठ, २०८३
काठमाण्डु, ११ वैशाख – संविधानसभाका पाँचमध्ये चार समितिमा उम्मेदवारी दर्ता भएको छ ।
संविधानसभा सचिवालयको पूर्वनिर्धारित कार्यक्रमअनुसार शुक्रबार हुने भनिएको समितिको निर्वाचनका लागि आज उम्मेदवारी दर्ता कार्यक्रम सार्वजनिक गरिएको थियो । सोअनुसार संविधान मस्यौदा समितिमा नेपाली काँग्रेसका महामन्त्री कृष्णप्रसाद सिटौलाको उम्मेदवारी परेको छ । उनका प्रस्तावकमा भानुभक्त ढकाल र समर्थकमा गिरिराजमणि पोखरेल छन् ।
त्यस्तै संवैधानिक राजनीतिक संवाद सहमति समितिमा एनेकपा (माओवादी)का नेता डा बाबुराम भट्टराईको उम्मेदवारी परेको छ । उनको प्रस्तावकमा पूर्णबहादुर खड्का र समर्थकमा सुरेन्दप्रसाद पाण्डे छन् ।
यसैगरी संविधान अभिलेख तथा निक्र्योल समितिमा नेकपा (एमाले)का सचिव विष्णुप्रसाद पौडेलको उम्मेदवारी परेको छ । उनका प्रस्तावकमा बलबहादुर केसी र समर्थकमा हरिबोलप्रसाद गजुरेल छन
भने क्षमता अभिवृद्धि समितिमा मधेसी दलका तर्फबाट लक्ष्मीकुमारी चौधरीको उम्मेदवारी परेको छ । उनको प्रस्तावकमा पद्मनारायण चौधरी र समर्थकमा सन्तकुमार दरै रहेका छन् ।
नागरिक सम्बन्ध समितिमा भने दलबीच कुरा नमिलेका कारण अहिलेसम्म उम्मेदवारी परेको छैन ।
