- शुक्रबार, २९ जेठ, २०८३
काठमाण्डु , ८ वैशाख – सहमतिमा सभापति चयन हुन नसकेपछि आगामी शुक्रबार निर्वाचन हुने भएको छ ।
सहमति आधारमा सभापति चयन गर्न दलहरु बिफल भएपछि सभामुख सुबास नेम्बाङले आज निर्वाचनको मिति तय गरेका हुन् । सभापतिका लागि उम्मेद्वारीको समय बिहीबार दिनभरीका लागि तोकिएको छ ।
३ वटा बिषयगत र २ वटा प्रक्रियागत समितिको सभापतिका लागि निर्वाचन हुन लागेको हो । संविधान लेखनको क्रममा सबैभन्दा महत्वपूर्ण मानिएको संवैधानिक, राजनीतिक संवाद तथा सहमति समितिको सभापति चयन कार्य सहमतिका आधारमा नभएपछि संविधानसभाले पारित गरको कार्ययोजनाअनुसार समितिको कार्यविधि, कार्यतालिका र सभापति चयन प्रक्रिया यही वैशाख १५ गतेभित्र पूरा गरिसक्नुपर्ने बाध्यात्मक परिस्थिति रहेकाले संविधानसभाका अध्यक्षले आज निर्वाचनको मिति तोकेका हुन् ।
