- शुक्रबार, ६ असार, २०८२
काठमाण्डु, ६ वैशाख – इन्धन आपूर्ति र वितरण आउँदो मंगलबारदेखि मात्रै सहज हुने नेपाल आयल निगमले जनाएको छ ।
निगमका निमित्त महाप्रबन्धक सागर सत्यालका अनुसार भारतीय आयल कर्पोरेशन आईओसीलाई तिर्न बाँकीमध्ये केही रकम बुझाउन लागिएको छ ।
रकम तिर्ने तयारी भएसँगै हिजोदेखि नै आयात बढेको सत्यालले बताए ।
आईओसीले आपूर्ति कटौती गरेपछि झण्डै एक हप्तादेखि देशैभर इन्धन अभाव चर्किएको छ ।
पेट्रोल, डिजल र मट्टितेलका लागि पेट्रोल पम्पहरुमा उपभोक्ताले घण्टौंसम्म लाईन बस्नुपर्ने बाध्यता छ ।
