काठमाण्डु , ६ वैशाख –बार्सिलोनाले आफ्ना अर्जेन्टेनी स्ट्राइकर लियोनल मेसीलाई बेच्ने योजना बनाएको खुलासा भएको छ ।
बार्सिलोनाको टेलिभिजन च्यानलले क्लवले मेसीलाई बेच्नेबारे छलफल गरिरहेको दावी गरेको छ ।
सोही कुरा थाहा पाएका मेसीले पछिल्लो समय मैदानमा उत्कृष्ट प्रर्दशन गर्न नसकेकोसमेत च्यानलको दावी छ ।
च्यानलका अनुसार क्लब बोर्डका केही सदस्यले मेसीलाई बेच्नुपर्नेमा जोड दिएका छन् । उनीहरुले मेसीलाई मैदानमा पठाउने भन्दा बेच्नेतर्फ जोड गर्नुपर्ने सुझाव दिएका छन् ।
बार्सिलोनासँग मेसीको सम्झौता सन् २०१८मा सकिनेछ । मेसी १३ बर्षको हुँदादेखि बार्सिलोनाबाट फुटबल खेल्दै आइरहेका छन् ।
मेसीलाई फ्रान्सेली क्लव पेरिस सेन्ट जर्मेइन पिएसजीले किन्ने रुचि देखाएको छ ।