- शुक्रबार, ६ असार, २०८२
काठमाण्डु, ६ वैशाख –भिटामिन ए कार्यक्रम अन्तर्गत शनिबार देशभरका बालबालिकालाई भिटामिन ए क्याप्सुल र जुकाको औषधि खुवाईंदैछ ।
६ महिनादेखि पाँच वर्षका २४ लाख बालबालिकालाई भिटामिन ए क्याप्सुल र ती मध्ये एक वर्षदेखि पाँच वर्ष सम्मका २२ लाख बालबालिकालाई जुकाको औषधि खुवाइने बालस्वास्थ्य महाशाखाले जनाएको छ ।
देशका सबै नगरपालिका र गाविसका हरेक वडामा तोकिएका केन्द्रमा महिला स्वास्थ्य स्वयंसेविकाहरुले भिटामिन ए तथा जुकाको औषधि खुवाउँदैछन् । शनिबार छुटेका बालबालिकालाई आइतबार औषधि खुवाइनेछ ।
भिटामिन ए को कमीका कारण हुने बाल मृत्यु रोक्न सरकारले २०५० सालदेखि भिटामिन ए कार्यक्रम सञ्चालन गर्दै आइरहेको छ ।
