- शुक्रबार, ७ चैत, २०८१
काठमाण्डु ५ वैशाख – संवैधानिक राजनीतिक सम्वाद तथा सहमति समितिको आज बसेको बैठक निष्र्कष विहीन भएको छ ।
सभापति चयन गर्न आज सिहदरबारमा बसेको बैठकमा समितिका अधिकांश सदस्यहरुले सहमतिकै आधारमा सभापति चयन गर्नुपर्ने अडान राखेपछि बैठक बिनानिष्र्कष टुंगिएको हो । बैठकको सुरुमा नै राप्रपा नेपालका अध्यक्ष कमल थापाले सहमतिकै आधारमा सभापति छान्नुपर्ने बताएपछि अन्य नेताहरुले पनि थापाको भनाइ प्रति समर्थन जनाएका थिए ।
यसअघि समितिले चैत ३० गते सभापति चयन गर्ने कार्यक्रम राखेको थियो । त्यतिबेला पनि दलहरुवीच सहमति जुटन् नसकेपछि बैठक स्थगित भएको थियो ।
