- बुधबार, २८ जेठ, २०८२
काठमाण्डु – नेपालीहरुले आफ्ना माग राखेर बन्द, हड्ताल तथा अनशन बसेको त सबैले देखे/सुनेकै हो ।
तर नेपालमा रहेका एक कुटनीतिज्ञ आफ्नो सरकारसँग माग राखेर अनशन बसेका छन् ।
नेपालका लागि इजरायली राजदूत हनान गोडर तलब वृद्धिलगायतका माग राखेर अनशनमा बसेका हुन् । स्रोतका अनुसार गोडर बिहीबारबाट काठमाण्डुको लाजिम्पाटस्थित दूतावास परिसरमै अनशन बसेका हुन् ।
स्रोतका अनुसार उनले बिहीबारबाट कुनै पनि काम गरेका छैनन् । गोडरले माग पूरा नभएसम्म अनशन जारी राख्ने दूतावास स्रोतले जनाएको छ ।
