सिड्नी, १२ चैत – गायक रामकृष्ण ढकालले अष्ट्रेलियाको सिड्नीमा एकल साँझ सम्पन्न गरेका छन् । मेलबर्नको एक सांगीतिक कार्यक्रमको क्रममा अष्ट्रेलिया पुगेका ढकालले सिड्नीस्थित एक रेष्टुरेन्टमा एकल साँझ सम्पन्न गरेका हुन् ।
‘ढकाल फेयरवेल साँझ’ नाममा आयोजित कार्यक्रममा ढकालले करिब १ दर्जन कर्णप्रिय गित गाएका थिए ।
‘बिहान उठ्ने बित्तिकै हिमाल देख्न पाईयोस् ….’ गितबाट सुरु भएको सांगितिक साँझमा ढकालले आफ्ना अन्य कर्णप्रिय गितबाट भरपूर मनोरञ्जन दिएका थिए ।
उनलाई बुटवलका स्थानीय गायक इश्वर पोख्रेलले साथ दिएका थिए । कार्यक्रममा अष्ट्रेलियामा बस्ने दजनौं नेपालीहरुको उपस्थिति रहेको गोविन्द भण्डारीले जानकारी दिए ।