- बिहीबार, ६ वैशाख, २०८१
काठमाण्डु, १६ फागुन – हिमाली जिल्ला मुस्ताङको पदयात्रामा रहेका एकजनाको मृत्यु भएको छ । बुधबार मुस्ताङबाट जोमसोमतर्फ हिँडेका वीरगञ्ज निवासी ऋषि वर्नवारको हिउँका कारण मृत्यु भएको हो ।
उनीसँगै गएका अन्य ६ जनालाई नेपाली सेनाले उद्धार गरेको छ । सेनाको टोलीले उनीहरुलाई १७ हजार फिट उचाईबाट उद्दार गरेको हो ।
उनीहरु हिमपातका कारण फसेकोबारे जानकारी पाएलगत्तै उप–सेनानी दिनेश भण्डारीको नेतृत्वको नौ जनाको उद्दार टोली घटनास्थल पुगेको थियो ।
६ जनालाई जोमसोम ल्याई उपचार थालिएको सेनाले जनाएको छ । शवभने जोमसोमस्थित जिल्ला प्रशासन कार्यालयमा बुझाइएको सेनाले विज्ञप्तिमार्फत जनाएको छ । तस्विर सौजन्य : नेपाली सेना
