- बुधबार, १२ वैशाख, २०८१
काठमाण्डु, १० फागुन – एमाले संसदीय दलका नेता केपी ओली अस्पताल भर्ना भएका छन् । हातमा समस्या देखिएपछि उनी ग्रान्डी अस्पताल धापासीमा भर्ना भएका हुन् । युरिक एसिड बढेर हात सुन्निएपछि ओलीलाई अस्पताल भर्ना गरिएको हो ।
युरिक एसिडका कारण ओलीको हात सुन्निएकाले अस्पताल भर्ना गरिएको ओलीका स्वकीय सचिव रमेश आचार्यले जानकारी दिए ।
‘युरिक एसिडको क्याप्सुलबाट एन्टिबाइटिक चलाइरहनुभएको थियो, चिकित्सकले इन्जेक्सनबाट एन्टिबाइटिक चलाउँदा चाँडै ठीक हुने सल्लाह दिएकाले उहाँ अस्पताल भर्ना हुनुभएको हो ।’ आचार्यले भने ।
शनिबारबाट सुरु भएको केन्द्रीय समिति बैठकमा जान ठिक परेका ओलीलाई सहयोगीले सुन्निएको हातको तत्काल उपचार गर्न सल्लाह दिएपछि अस्पतालतर्फ लागेका हुन् ।
