कायरो, ९ माघ– इजिप्टको राजधानी कायरोमा अवस्थित एक जाँचचौकीमा बिहीबार आतङ्ककारी आक्रमण भएको समाचार छ ।
यस आक्रमणमा पाँच इजिप्टेली प्रहरीको मृत्यु भएको राज्यद्वारा सञ्चालित टेलिभिजनले जनाएको छ ।
बेनी सुएफ प्रान्तमा अवस्थित यस प्रहरी चौकीमा भएको आक्रमणमा अन्य दुई जना प्रहरी घाइते भएको पनि सो टेलिभिजनले जानकारी दिएको छ ।
उक्त आक्रमण सन् २०११ मा भएको जनविद्रोहको तीन वर्ष पुग्नु दुई दिन अगाडि भएको बताइएको छ । एएफपी