- शनिबार, १५ वैशाख, २०८१
काठमाण्डु, ९ माघ–पूर्वपश्चिम राजमार्ग अन्तरगत महोत्तरीको माईस्थानमा दूध बोकेको ट्याङकरलाई ट्रकले ठक्कर दिदा दुई महिलाको मृत्यु भएको छ । मृत्यु हुनेमा सर्लाही नेत्रगन्ज बस्ने ४० बर्षीया मुना कँडेल र ४५ बर्षीया सरिता थापा रहेका छन् ।
हेटौडाबाट धरानतर्फ जादै गरेको ना ४ ख ७९६६ नम्बरको ट्रकले विपरीत दिशाबाट आउदै गरेकोे ना १ क ३२८१ नम्बरको ट्याङकरलाई बुधबार राति ठक्कर दिदा दुबैजनाको घटनास्थलमै मृत्यु भएको हो ।
दुवै सवारी साधन र ट्रक चालकलाई अस्थायी प्रहरी पोष्ट माईस्थानले नियन्त्रणमा लिएको छ ।
यसैगरी काठमाण्डुको तीनकुनेमा बसको ठक्करबाट मोटरसाईकल चालक घाईते भएका छन् । घाईते हुनेमा मोटरसाईकल चालक भक्तपुर सल्लाघारी बस्ने ५६ बर्षीय कृष्ण बहादुर श्रेष्ठ रहेका छन् । घाईते श्रेष्ठको कान्तीपुर अस्पताल तीनकुनेमा उपचार भैरहेको छ ।
बुधबार साँझ ना ४ ख ६३९२ नम्बरको बसले बा १४ प ६३२५ नम्बरको मोटरसाईकल चालक श्रेष्ठलाई ठक्कर दिएकोे थियो ।
