- मंगलबार, ४ वैशाख, २०८१
चितवन, ८ माघ–चितवनको भरतपुर नगरपालिका–१ रामनगरमा रहेको एक कुटानी–पिसानी मिलमा बुधबार विहान आगलागी भएको छ । आगलागीबाट झन्डै २५ लाख बराबरको क्षति भएको जिल्ला प्रहरी कार्यालय चितवनले जनाएको छ ।
आगलागीबाट कुटानी–पिसानी मिलमा रहेको धान, मकै, गहुँ लगायतका खाद्यान्न जलेर नष्ट भएको छ । आगलागीको कारण खुल्न सकेको छैन ।
विहान २ बजेबाट सुरु भएको आगलागीलाई नजिकै रहेको इलाका प्रहरी कार्यालय रामनगर, भरतपुर नगरपालिकाको वारुणयन्त्र र स्थानीय बासिन्दाको सक्रियतामा दुई घण्टापछि नियन्त्रणमा लिएको प्रहरीले जनाएको छ । रासस
