- बिहीबार, १३ वैशाख, २०८१
काठमाण्डु, ४ माघ – संसदीय दलको नेता को हुने भन्न विवादले उग्र रुप लिएपछि कांग्रेसले अन्तत चुनावबाटै संसदीय दलको नेता छान्ने भएको छ । त्यसका लागि माघ १२ गतेको समय तोकिएको छ । कांग्रेसले यसअघि शनिबार संसदीय दलको नेता छान्न निर्वाचन समिति नै गठन गरेको थियो ।
कांग्रेसले प्रवक्ता दिलेन्द्रप्रसाद बडुको संयोजकत्वमा तीन सदस्सीय निर्वाचन समिति गठन गरेको हो । समितिमा रमेश रिजाल र रामचन्द्र तिवारीलाई सदस्य तोकिएको छ ।
१२ गते अघि पनि सहमतिको प्रयास गरिने र सहमति नभए चुनावबाट नेता छान्ने एक नेताले बताए ।
कांग्रेसका सभापति शुसील कोइराला, उपसभापति रामचन्द्र पौडेल र वरिष्ठ नेता शेरबहादुर देउवाले संसदीय दलको नेतृत्व कसले लिने भन्ने विषयमा विवाद बढ्दै जाँदा नेता छान्न समिति नै गठन गर्नुपरेको हो ।
तीन नेताबीच संसदीय दलका नेतामा सहमति नभए यो समितिले नै निर्वाचनमार्फत संसदीय दलको नेता चयन गर्ने एक सदस्यले बताए ।
यसैबीच कांग्रेसले आफ्ना समानुपातिक तर्फका सभासदलाई प्रमाणपत्र दिएको छ ।
