विराटनगर, २ माघ– १ करोड ६० लाखभन्दा बढी मूल्य बराबरको विद्युतीय सामग्री अनियमितता गरेको आरोपमा नेपाल विद्युत् प्राधिकरण इटहरी शाखाका एक स्टोरकिपरलाई अख्तियार दुरुपयोग अनुसन्धान आयोग पूर्वाञ्चल इटहरी सम्पर्क कार्यालयले पक्राउ गरेको छ ।
इटहरी शाखाका स्टोरकिपर अर्जुन कटुवाललाई अनियमितताको आरोपमा नियन्त्रणमा लिइएको हो ।
स्टोरको सामान भिडाई हेर्दा १ एक करोड ६० लाख मूल्य बराबरको सामान र त्यसको हिसाबकिताबमा अनियमितता भएको देखिएपछि अख्तियारले उनलाई दुई दिन अगाडि पक्राउ गरेको हो ।
उता अख्तियारको क्षेत्रीय कार्यालयले उक्त स्टोरबाट हराएको सामानको अनुसन्धान भइरहेको बताएको छ । रासस