- बुधबार, १२ वैशाख, २०८१
काठमाण्डु, १ माघ – राष्ट्रिय प्रजातन्त्र पार्टीका अध्यक्ष सुर्यबहादुर थापा र चिनियाँ राजदुत उ चुन्ताईबीइच बुधबार भेटवार्ता भएको छ ।
मालीगाउँ स्थित थापाको निवासमा भएको भेटमा राजदुत चुन्ताईले समसामयिक राजनीतिक अवस्था र नयाँ सरकार गठनका विषयमा चासो राखेको बुझिएको छ ।
पूर्वप्रधानमन्त्रीसमेत रहेका थापाले सो अवसरमा प्रमुख तीन दल मिलेर सरकार बनाउनु पर्ने बताएका थिए । ‘काँग्रेस, एमाले र एकीकृत माओवादी तीनवटै दल मिलेर सरकार बनाउँदा सहज हुन्छ भन्ने हाम्रो पार्टीको धारणा छ,’ थापाको भनाईलाई उद्धृत गर्दै एक नेताले भने ।
भेटमा चिनियाँ राजदूत चुन्ताईले दोस्रो संविधानसभाको अध्यक्षता गर्न लागेकोमा थापालाई बधाइ दिएका थिए ।
