काठमाण्डु, ३० पुस – राप्रपा नेपालले आउँदो माघ १७ गतेदेखि पार्टीको राष्ट्रिय सम्मेलन गर्ने भएको छ ।
मंगलबार बसेको केन्द्रीय कार्यसम्पादन समितिको बैठकले माघ १७, १८ र १९ गते राजधानीमा राष्ट्रिय सम्मेलन गर्ने निर्णय गरेको हो ।
सम्मेलनमा संविधानभा निर्वाचनमा प्रत्यक्षतर्फ उम्मेदवारी दिएकाहरुलाई पनि सहभागी गराउने निर्णय भएको छ ।
माघ ३ गते नव निर्वाचित सभासदहरुलाई प्रमाणपत्र वितरण गर्ने तथा ६ र ७ गते संविधानसभामा खेल्नुपर्ने भूमिकाबारे प्रशिक्षण दिइने प्रवक्ता राजाराम श्रेष्ठले जानकारी दिए ।
राप्रपा नेपालले ताजा जनादेशअनुसार संविधानसभाका सबै विषयमा ताजा छलफल गर्नुपर्ने अडान लिएको छ ।
कतिपय राम्रा विषय मान्न सकिने भएपनि अघिल्लो संविधानसभाले गरेका सहमतिको स्वामित्व लिने कुरा आफ्नो पार्टीलाई मान्य नहुने श्रेष्ठले बताए ।